МАРҒҰЛАН УНИВЕРСИТЕТІНІҢ СТУДЕНТТЕРІ МЕН ҰСТАЗДАРЫ СЕНБІЛІККЕ ШЫҚТЫ

23.09.2023

Бүгін Марғұлан университетінің студенттері мен ұстаздары сенбілікке шықты. Қаламыздың мәдениеті тазалықтан басталатынын ескерсек, мұндай бастамалардың студенттер үшін маңызы жоғары. Тазалық шарасына Марғұлан университетінің ректоры Жанбол Жилбаев қатысып, оқу орын ауласының тазалығына өз үлесін қосты.

Марғұлан университетінің жастар саясатын дамыту департаменті өкілдерінің айтуынша, осы күні Павлодар қаласының орталығындағы "Сарыарқа" қонақ үйінің алдында және университет ауласында тазалық жүргізген. Қонақ үй алдында 40 шақты студент жұмыс істесе, университет ауласында тағы 20-ға жуық жастар еңбек етті. Олар ауладағы, саябақтағы ағаштар арасындағы жапырақтарды, қоқыс үйінділерін сыпырып, қапшықтарға салып, арнайы орындарға жөнелтті.

- Бүгін Марғұлан университетінің студенттері сенбілікке шығып, өздерін белгіленген аумақ - Сарыарқа қонақ үйінің және университет ауласында тазалық жүргізуде. Студенттер ауарайының қолайсыздығына қарамастан барлық жұмыстарды тиянақты жүргізді. Себебі, қаламыздың тазалығы өзіміздің ауламыдан басталады, - дейді педагогика жоғары мектебінің студенті Диана Ринатқызы.