СТУДЕНТТЕР ТҮРКІСТАН ОБЛЫСЫНЫҢ ОҚУШЫЛАРЫМЕН КЕЗДЕСУДЕ

16.01.2025

Марғұлан университетінің студенттері еліміздің оңтүстік өңірлерінде “Серпін” бағдарламасы бойынша кәсіби бағдар беру жұмысын жалғастыруда. Қықсы демалысқа ауылдарына, үйлеріне барған студенттер мектептерге барып, оқушылармен кездесу ұйыидастырды.

Марғұлан университетінің КА-11 тобының студенті Намаз Тоғжан Түркістан облысы Қазығұрт ауданы Қазығұрт елдімекенінде орналасқан Ораз Жандосов атындағы жалпы орта білім беретін мектепке барды. Түркістан облысы Сайрам ауданына қарасты Қолкент ауылындағы №96 жалпы орта білім беру мектебіне ПМНО-31 тобының студенті Дүрдона Абдимавланова барып, оқушылардың сұрағына жауап берді. Сонымен қатар, 2024 жылғы түлектері Ақжігіт Айнұр мен Арыстан Наргиз Қызылорда облысының Қазалы ауданындағы Кәукей ауылына арнайы барып, биылғы мектеп түлектеріне арнай буклеттер таратты. Студенттер Марғұлан университеті туралы ақпарат беріп, мұғалім болуды армандайтын жастарға сапалы білім беретінін жеткізді.