СТУДЕНТТЕР СУРЕТШІ ТҰРАР ТӨЛЕЕВТІҢ КӨРМЕСІНЕ БАРДЫ

25.05.2023

Тәрбие жұмысы және әлеуметтік мәселелер жөніндегі деканның орынбасары Жұмабике Серғазина мен Педагогика жоғары мектебінің студенттері Н.Нұрмұхамедов атындағы облыстық өнер мұражайында ашылған суретші Тұрар Төлеевтің мерейтойлық көрмесін тамашалады.
Экспозицияның салтанатты ашылуында келушілер назарына 50-ден астам әр түрлі жанр мен техникада орындалған кескіндеме және мүсін туындылары ұсынылған.

Төлеев Тұрар Түсіпұлы 1958 жылы Павлодар облысы, Май ауданы, Киров ауылында дүниеге келді. 1984 - 1988 жылдары Ақтөбе мәдени-ағарту училищесіндегі суретші-безендіруші мамандығы бойынша оқуын бітірді. 1991 жылдан бастап Қазақстан Республикасы Суретшілер одағының мүшесі.

Тұрар Төлеевтің туындылары қазақ халқының тұрмысы мен салт-дәстүрін бейнелейді. Ол белгілі сюжеттік жұмыстарды орындайды. Туған өлкесінің өткен күндерінен шабыттанады.

Жарыққа шығатын картинасының әрбір нүктесі мен толықтай композициясын қалыптастыра біледі. Белгілі бір адамның портретін салар сәтте суретші тарихпен тығыз байланыста болады. Ал тарихи картина кейіпіндегі тілде көшпенді халықтың қиын-қыстау кездерін жеткізіп тұрғандай. Қазақстанның кең байтақ даласы, туған өлкенің сұлулығын қиялдағыдай жеткізу- бұл суретші шығармашылығының ұстанымы.