СТУДЕНТТЕР СПАРТАКИАДА АЯСЫНДАҒЫ ВОЛЕЙБОЛ ТУРНИРІ

04.12.2023

Марғұлан Университетінде студенттер спартакиадасы аясында волейболдан жарыс өтті. Апталық барысында гуманитарлық ғылымдар жоғары мектебі, жаратылыстану жоғары мектебі, педагогика жоғары мектебі, өнер және спорт жоғары мектебінің студенттерінен құралған қыздар мен ұлдар командалары университеттің абсолютті чемпионы атағы үшін күресті. Жарысқа 21 команда қатысып, бақ сынады.

Жарыс әсерлі әрі тартысты өтті, бәсекелестердің ешқайсысы жеңісті қолдан жібергісі келмеді. Қыздар арасындағы финалдық кезеңде гуманитарлық жоғары мектебінен 2 команда, өнер және спорт, жаратылыстану мектебінен 1 командадан жүлделі орындарды сарапқа салды. Қыздар арасында финалдық сайыстың қорытындысы бойынша өнер және спорт жоғары мектебінің командасы бірінші орынды жеңіп алды. Екінші және үшінші орындарды гуманитарлық жоғары мектебінің командалары иеленді. Төртінші орында – жаратылыстану жоғары мектебі.

Жігіттер арасындағы ойындар одан да тартысты өтті. Мәселен, өткен жылғы спартакиада жеңімпаздары топтан да шыға алмады. Финалистер соңғы ойындарда ғана анықталды. Нәтижесінде жаратылыстану, гуманитарлық жоғары мектептерінен бір-бір командадан, өнер және спорт жоғары мектебінен екі командадан ақтық сынға шықты.

Ойын қорытындысы бойынша бірінші және екінші орындарды өнер және спорт ұжымдары жеңіп алды. Үшінші орында – жаратылыстану мектебінің командасы. Төртінші орын гуманитарлық ғылымдар мектебіне бұйырды.

Сондай-ақ, үш номинация бойынша үздік спортшылар марапатталды. «Үздік қорғаушы» номинациясымен Эмилия Малашенко мен Александр Ярошенко марапатталды. «Ең пайдалы ойыншы» номинациясы бойынша Әбдікәрім Нұрерке мен Закван Ансарға бұйырды. «Ең нәтижелі ойыншы» номинациясына Алина Бейсембаева мен Саят Қайырханов ие болды.

Байқау жеңімпаздарын салтанатты түрде марапаттау рәсімі өтті. Оған Гданьск қаласындағы (Польша) Туризм және қонақүй бизнесін басқару академиясынан келген профессор Эрдман Влодзимеж қатысып, жеңімпаздар мен жүлдегерлерге кубоктар мен естелік сыйлықтарды табыс етті.

Командаларды тамаша нәтижелерімен құттықтаймыз және оларға жаңа спорттық жетістіктер тілейміз!