СТУДЕНТТЕР РЕСПУБЛИКАЛЫҚ ОЛИМПИАДАДАН ЖҮЛДЕМЕН ОРАЛДЫ

22.04.2024

Марғұлан университетінің студенттері «ХХІ ҒАСЫР ПЕДАГОГИКАСЫНДАҒЫ АБАЙ МҰРАЛАРЫ» III республикалық студенттік олимпиадасына қатысып, жүлделі үшінші орынға ие болды. Ауқымды білім сайысы Алматы қаласында Абай атындағы педагогикалық университетте өтті. Оған еліміздегі ең алдыңғы қатарлы 10 университеттің студенттері қатысып, өз білімдерін сынға салды. Марғұлан университеті командасында педагогика жоғары мектебінің төрт студенті өнер көрсетті. Олар педагогика және психология мамандығы бойынша оқитын Әли Амитов, арнайы педагогикада білім алатын Ұлжай Нағашыбай, мектепке дейінгі оқыту әдістемесі мамандығынан Дария Қисабаева, бастауыш білім беру мамандығынан Нұрила Қалиева. Команда жетекшісі педагогика жоғары мектебінің вице-деканы Арай Рахымжанова!
Бірінші кезеңде тақырыпқа сәйкес жоба жазып қорғадық. Біздің студенттердің жұмысы өте сәтті шықты. Екінші кезеңде Абай мұраларының желісі бойынша көрініс қойды. Үшінші кезеңде студенттер сабақ өткізді. Онда Абай Құнанбайұлының өлеңдерін, Қара сөздерін қолдана отырып, өз шеберліктерін көрсетті. Барлық тапсырмалардың қорытындысы бойынша біздің команда он университеттің ішінен үшінші орынға ие болды, - деді команда жетекшісі Арай Рахымжанова.
Білімдері мен биіктерді бағындырған, өнермен өрге ұмтылған жастарымызды осындай үлкен жетістігімен құттықтаймыз!