СТУДЕНТТЕР ҚАЗАҚ КҮРЕСІНЕН 10 МЕДАЛЬ ЖЕҢІП АЛДЫ

20.01.2025

Павлодар қаласының "Баянтау" спорт кешенінде қазақ күресінен облыстық чемпионат өтті. Осы жарысқа Марғұлан университетінің студенттері де қатысып, олжалы оралды. Ұлдар және қыздар командасы боз кілемде белдесіп, барлығы 10 медаль жеңіп алды.
Жарыс нәтижесі бойынша, 66 келіде Ануарбек Ертай, 72 келі салмақта Бақытжан Нұржол, 60 келіде белдескен Жанабек Тілеубек 1 орынды жеңіп, алтыннан алқа тақты. Сонымен қатар, Қали Бүркіт, Әли Айбота, екінші орынға ие болды. Ал қыздар құрамасында Рамазанова Сәбина, Ырымбай Аяулым, Дагысова Арай жеңіс тұғырынан көрінді. Сондай-ақ, Нетпаева Тамаша екінші орынды, Ерен Сабит үшінші орынды қанжығалады. Барлық жеңімпаздарды жеңістерімен құттықтаймыз.