СТУДЕНТТЕР ӘЛЕМ КУБОГЫНЫҢ ҚОЛА ЖҮЛДЕСІН АЛЫП КЕЛДІ

07.02.2023

Бүгінде Марғұлан университетінің М.Қанапиянов атындағы жоғары колледжінің студенттері әртүрлі спорттық сайыстарға қатысып топ жарып жүр. Жақында Германияның Инцель қаласында конькимен жүгіруден жасөспірімдер арасында Әлем кубогы өтті. Аталған әлемдік додада Қазақ елінің намысын М.Қанапиянов атындағы жоғары колледжі «Дене шынықтыру және спорт» мамандығы студенттері Лифатова Алена және Ильященко Арина қорғады. Жарыс қорытындысы бойынша олар біздің студенттер командалық спринтте жүлделі 3 орынға ие болды. Сондай-ақ, 1500 м қашықтықтағы жекелей сайыста Арина Ильященко тағы үшінші болып келіп, қоладан олжа салды. Студент қыздарымызды тамаша нәтижемен құттықтаймыз.

Ильященко Арина ФКС-32(9) тобының студенті. Конькимен жүгіруден спорт шебері. Лифатова Алёна да Конькимен жүгіруден спорт шебері. Ол ФКС-32(9) тобының студенті болып табылады. Аталған қос спортшы да бұған дейін қысқы спорт түрлерінен талай турнирге қатысып, жеңіске жеткен.