СТУДЕНТТЕР ҚАЙЫРЫМДЫЛЫҚ ЖӘРМЕҢКЕСІН ӨТКІЗДІ

27.10.2023

Бүгін Марғұлан университетінің 5 оқу корпусында қайырымдылық жәрмеңкесі өтті. Оған барлық студенттік ұйымдардың белсенді жастары қатысып, өз қолдарымен жасаған тағамдарды және қолөнер бұйымдарын сатуға қойды. Жәрмеңке Марғұлан университеті жастар саясаты департаментінің қолдауымен және студенттік парламенттің ұйымдастыруымен өтті.
Жастардың қайырымдылық мақсаттағы бастамаларына қолдау көрсетіп, жәрмеңкеге қойылған заттарын сатып алушылар көп болды. Қайырымдылық жәрмеңкесі нәтижесінде 120 мың теңгеден астам қаражат түсті. Бұл қаражат Даниял есімді кішкентай бүлдіршіннің еміне жұмсалатын болады.