СТУДЕНТ-ЕРІКТІЛЕР ЖҮЗУДЕН ҚР ЧЕМПИОНАТЫН ҰЙЫМДАСТЫРУҒА КӨМЕКТЕСТІ

10.04.2024

Павлодарда «OLIMPIK ERTIS» бассейнінде 3-9 сәуір күндері аралығында жүзуден ҚР чемпионаты өтті. Жарысты ұйымдастыру жұмыстарына өнер және спорт жоғары мектебінің ерікті студенттері қатысты. Олар қонақтардың отыруын реттеп, спортшылардың шығу тәртібін қадағалады. Сондай-ақ, қатысушылардың заттарын дұрыс орналастырып, қонақтарға деген сый құрметтерін көрсетті.
Чемпионаттың бас төрешісі, «Дене шынықтыру және спорт» білім беру бағдарламасының оқытушысы және модераторы Гүлмира Айгужинова жастарға республикалық жарысты жоғары деңгейде өткізуге қосқан үлесі үшін алғысын білдірді. Сондай-ақ, өнер және спорт жоғары мектебінің деканаты да студенттерге жарыстың ұйымдастыру жұмыстарында еңбектерін жоғары бағалап, ерекше белсенділік танытқаны үшін алғыс айтты. Бұлар - Диана Гозун, Лилия Фот, Дарина Жанзақова, Александра Андреюк, Марат Аспанов, Ерік Тоқтасынов, Диас Төребаев.