СТУДЕНТТЕР ПАВЛОДАР ҚАЛАСЫНА ЭКСКУРСИЯҒА ШЫҚТЫ!

16.03.2022

Төл мерекеміз Ұлыстың Ұлы күні қарсаңында 15 наурыз күні аталып өтетін "Тарих күніңде" Гуманитарлық ғылымдар жоғары мектебінің студенттері шаһарымыздың мәдени ошақтарына барды. Павлодар педагогикалық университетінің студенттері ERTIS мұражайына, Марғұлан орталығына, Облыстық көркемсурет мұражайына экскурсия жасады. Әр аймақтан жиналған студенттер Ертіс-Баян өңірінің тарихи тұлғалары жайлы тың ақпараттарды біліп, Сарыарқа даласынан табылған түрлі жәдіргерлерді өз көздерімен көрді. Павлодар тарихына тереңірек бойлап, білім алып жатқан өңіріне құрмет ықыласы одан әрі арта түскенін білдірді. Құнды прототиптерді қолдарына алып, жауынгерлердің сауыт, дулығасын киіп те көрді. Танымдық саяхаттан ерекше әсер алған студенттер рухани тұрғыдан байып, жақсы көңіл-күймен тарқады!