БІЗДІҢ СТУДЕНТТЕР БАТУТ ГИМНАТИКАСЫ БОЙЫНША ҚАЗАҚСТАН ЧЕМПИОНАТЫНЫҢ ЖҮЛДЕГЕРЛЕРІ!

09.03.2022

Батут гимнастикасынан Қазақстан Республикасының чемпионатында ФКС-22 тобының студенттері Парфенов Даниил мен Сәрсембаева Алина бірден бірнеше медаль жеңіп алды!

Жарысқа қатысушылар жеке-командалық жарыста келесі бағыттар бойынша бақ сынады: жеке секіру, акробатикалық жол, синхронды секіру, батутта командалық, қос шағын трампта және қос шағын трампта командалық секіру.

Парфёнов Даниил жеке секіруден III-орынға және қос мини-трампта секіруден II-орынға ие болды. Даниил батутта өнер көрсеткен Павлодар қаласының жігіттер командасы ІІ орынды, ал қос мини-баттутта І орынды иеленді!

ФКС-22 тобының студенті Сарсембаева Алина cинхронды секіру бойынша ІІІ орынды, батутта командамен І орынды жеңіп алды!

"Ең қиыны, эмоциямды жеңу болса керек. Бірақ бұл үшін менің жаттықтырушым Евгений Васильевич Бронский көмектесті. Бұл үшін оған көп рахмет", - дейді Алина.

"Бәсеке керемет өтті. Қарсыластар мықты болды, әр облыстан ең мықтылар жиналды. Біреу мықтырақ шықты, біреу жақсы дайындалмады. Бірақ менің ойымша, барлығы өңір намысын абыроймен қорғады, ең жақсы нәтижелерін көрсетті", - дейді Даниил.

Спортшыларымызды Қазақстан Республикасы Чемпионатынан табысты ораулымен құттықтап, алдағы уақытта да спорттық жеңістер тілейміз!