СТУДЕНТТЕР ПАВЛОДАР МҰРАЖАЙЛАРЫНДА БОЛДЫ

17.03.2022

Наурыз мейрамы қарсаңында Дене шынықтыру және спорт білім бағдарламасының студенттері «Ертіс» облыстық тарихи-өлкетану мұражайында болды.

Болашақ ұстаздар Кереку-Ертіс өңірінің Қаныш Сәтбаев, Әлкей Марғұлан, Шәкен Айманов сынды тарихи тұлғаларының қызметімен жақынырақ танысуға мүмкіндік алды. Олар көрнекті қайраткерлердің қолжазбаларын, жеке заттарын өз көздерімен көрді.

Жастар көне заманның тарихи жәдігерлерін, ескерткіштерді, жануарлардың қалдықтарын, тұрмыстық заттарды, аңшылықты, киім-кешек пен қару-жарақтарды көрді. Марғұлан орталығының археологиялық олжаларымен танысты.

Экскурсиялық тур барысында студенттер қазіргі Қазақстан аумағында тұратын халықтардың өмірі мен тұрмыс-тіршілігімен танысты. Павлодар облысы мен Қазақстанның киелі жерлеріне интерактивті 3D турларын көрді.