Студенттеріміз физикадан республикалық пәндік олимпиадада бас жүлдені еншіледі

15.06.2021

ППУ-дың олимпиадашы студенттерінің зияткерлік сайысындағы кезекті жеңісімен құттықтаймыз!

Татьяна Боднарчук - ф-42 тобының студенті, 5В011000 "Физика" мамандығы бойынша жоғары оқу орындары студенттері арасында XIII Республикалық пәндік олимпиадада 1 орын алды.

Карантин жағдайында олимпиада О.А. Байқоңыров атындағы Жезқазған университетінде "прокторинг" және "zoom"форматында қашықтықтан өткізілді.

Павлодар педагогикалық университетінің командасы келесі құрамда ұсынылды: ф-41 тобының студенті Тоқтаубекова Айдана мен ф-42 тобының студенттері Боднарчук Татьяна және Ткалич Ефим. Команда жетекшісі – жаратылыстану жоғары мектебінің доценті, PhD докторы Асылбаев Руслан Намысұлы. Олимпиаданың екі турының қорытындысы бойынша І орынды Татьяна Боднарчук иеленді.

Сондай-ақ біздің команда 5В011000 - "Физика" мамандығы бойынша пәндік олимпиаданың ауыспалы кубогын жеңіп алды. Ендігі 2021-2022 оқу жылында физика пәнінен өтетін республикалық олимпиаданы Павлодар педагогикалық университеті қабылдайды.