СТУДЕНТТЕРДІҢ БАСТАМАЛАРЫН ҚОЛДАУДЫҢ ЖАҢА МҮМКІНДІКТЕРІ!

16.02.2022

Ғылыми жұмыстар және халықаралық байланыстар жөніндегі проректор Б.С. Есенгелдин, Ғылыми зерттеулерді қамтамасыз ету департаментінің директоры Сүлейменова Г.А., Экономика жоғары мектебінің ғылым және интернационалдандыру жөніндегі декан орынбасары Мурзатаева А.К. және Enactus командасының мүшесі, HB-12 тобының студенті Орозбаева Меруерт Павлодар облысы бойынша Жастар бастамаларын дамыту орталығының басшылығымен кездесті.

Кездесу барысында Жастар бастамаларын дамыту орталығы басшысының міндетін атқарушы Жансейітов Б.У. жастар мен жас отбасылардың тұрғын үй мәселелерін шешу, жастарды жұмыспен қамту және жұмысқа орналастыру, құқықтық кеңес беру, жастар кәсіпкерлігін ынталандыру сияқты әрбір қызметтің қызметін аша отырып, негізгі жұмыс бағыттарына тоқталды.

Бұл кездесу студенттердің бастамаларын, студенттердің жобалық құзыреттіліктерін қолдау және дамыту жүйесін қалыптастыру мақсатында одан әрі ынтымақтастықты нығайту үшін ұйымдастырылды. Университет ғалымдары мен Жастар бастамаларын дамыту орталығымен ынтымақтастық аясында бірлескен әлеуметтік маңызы бар іс-шараларды өткізу туралы пікір алмасты.