СТУДЕНТТЕР АРАСЫНДА ОНЛАЙН БАЙҚАУ ӨТКІЗІЛДІ

28.12.2020

Желтоқсан айында Павлодар педагогикалық университетінің жастар саясаты департаменті мен студенттердің кәсіподақ ұйымы «My alma mater – ppu» атты студент жастар арасындағы онлайн фото-бейне байқауын жариялаған болатын. Конкурс талабы бойынша қатысушылар карантинге дейінгі кездегі студенттік шақтағы қызықты сәттер мен естеліктерін фотослайд немесе бейнеклип форматында дайындап, пікір жазып және оны өзінің инстаграмм парақшасына жариялап, @pmpu.kz парақшасы мен #myalmamaterppu хэштегін белгілеп салуы шарт еді. 

Байқау қорытындысы бойынша ШТА-35 тобының студенті Сания Абдуллина жеңімпаз атанды. ТД-31 тобының студенті Нағима Досымханова ІІ орын, ГШ-21 тобының студенті Аяулы Қапан ІІІ орынды иеленді. Барлық жүлдегерлерге бағалы сыйлықтар табысталды.