БІЗДІҢ СТУДЕНТ - КӨРКЕМ СӨЗ ОҚУ ШЕБЕРЛЕРІ БАЙҚАУЫНЫҢ БАС ЖҮЛДЕ ИЕГЕРІ!

24.02.2022

Ахмет Байтұрсынов атындағы мәнерлеп оқу байқауында Жоғары гуманитарлық ғылымдар мектебінің «Қазақ тілі мен әдебиеті» ББ КТӘ-21 тобының студенті Мұхтар Мәдібек бас жүлдені жеңіп алды.

Қазақ ағартушысы, тіл жанашыры, әдебиеттанушы, түркітанушы, ақын-аудармашы, қоғам қайраткері, қоғам қайраткері Ахмет Байтұрсыновтың 150 жылдығына арналған «Қаз едік қатар ұшып қаңқылдаған...» атты жастар арасындағы көркемсөз оқу шеберлерінің онлайн байқауының ұйымдастырушысы - Облыстық «Шаңырақ» халық шығармашылығы орталығы.

Байқау облысымыздағы көркем сөз оқу шеберлері өнерін кеңінен өріс алдырып, Ахмет Байтұрсыновтың құнды шығармаларын халыққа, жастарға дәріптеп, жас ұрпаққа кеңінен насихаттау мақсатында жарияланды.

Байқау комиссиясы жіберілген бейнероликтерді бағалау кезінде қатысушылардың оқу мәнеріне, актерлік шеберлігіне, шешендік өнеріне баса назар аударды.

Мұхтар Мәдібек оқуға Ахмет Байтұрсыновтың «Анама хат» шығармасын таңдап, көркемсөз оқу шеберлерінің арасынан үздік атанды. Құттықтаймыз!