СТАРТАП ENACTUS MARGULAN - ҮЗДІКТЕР ҚАТАРЫНДА

15.12.2023

Марғұлан Университетінің ENACTUS MARGULAN командасы облыстық «Startup weekend» жастар кәсіпкерлігі байқауында екінші орынды жеңіп алды. Байқауды ToU жанындағы Халықаралық стартап академиясы (International Startup Academy) @pavlodar.hub бірлесіп ұйымдастырды.

Қазылар алқасының құрамына ЖШС директоры Кирилл Жемчугов, "Denaub Union" ЖШС директоры Евгений Денисенко, "Атамекен" ҰКП өкілі - Гүлнара Тілегенова және GERON бағдарламалау мектебінің маркетологы Мәди Гомар кірді.

Байқау барысында @enactus.margulan командасы конкурс комиссиясына «Baulu» және “Naqyś” стартап жобаларын ұсынды. Байқау қорытындысы бойынша балаларға арналған қазақ тілін үйренуге арналған «Baulu» мобильді қосымшасының стартап жобасы үздіктердің бірі деп танылып, екінші орынға ие болды.

«Ана тіліміздің аясын кеңейту мақсатында «BAULU» жобасын жасадық. Біз балаларға қазақ тілін оңай әрі қызықты үйренуге көмектесеміз. Baulu – балаларға арналған қазақ тіліндегі сөздерді үйренуге арналған мобильді қосымша. Қосымша қазақ тілін білмейтін 6 жастан 18 жасқа дейінгі балаларға арналған. Смартфонның көмегімен балалар сөздік қорын молайта алады. Бүкіл сабақтар бойы балаларды досы, Бөбек атты қонжық еріп жүреді, олармен бірге ойнап, сұрақтар қойып, тақырыптарды түсіндіреді», - деді @enactus.margulan Enactus командасының эдвайзеры Бағдатжан Жүсіп.