СТАМБУЛ - ЖАҢА МҮМКІНДІКТЕР ӘЛЕМІ

24.01.2024

Марғұлан Университетінің математика-физика білім беру бағдарламасының студенті Алпамыс Маджида Түркия астанасы Стамбул қаласындағы Айдын университетінде бір тоқсан білім алуға барған. Осы ретте талантты студент шетелде білім алудың ерекшелігін, жаңа ортадағы қызықты сәттерімен де бөлісті.

Маджиданың айтуынша, Айдын университеті Стамбулдың орталығында орналасқан.

Университетте 11 кампус және ғылыми орталықтар бар.

Иә, бұл семестр Маджида үшін академиялық ұтқырлық бағдарламасы керемет мүмкіндіктерге жол ашты. Ол өзін университет қабырғасымен ғана шектемей, 2023-2024 оқу жылының күзгі семестрінде жаңа білім мен шабыт алу үшін Стамбулға барды.

- Бағдарлау аптасы бірден жаңа мүмкіндіктер әлемінің есігін ашты деуге болады. Алдымен жаңа ортаның мәдениеті мен әдет-ғұрпына бейімделіп, жергілікті және шетелдік студенттермен достық қарым-қатынас орнаттық. Осылайша қызықты студенттер ұжымын қалыптастырдық,-дейді Маджида.

Осы ретте Марғұлан университеті профессорларының еңбегін ерекше атап өтуге болады. Студенттердің шетелге шығуына олардың қолдауы мен көмегі зор.

Маджида студенттік клубтарға жазылып, өзін басқа қырынан шыңдауда. Соның ішінде PUSULA Elektronik және Google Developer клубтарына белсенді қатысу оған математика және бағдарламалау бойынша білімін тереңдетіп, кәсіби көкжиегін кеңейтуге мүмкіндік берді.