ЖЕР БЕДЕРІН АНЫҚТАУ САЙЫСЫНДА ЖҮЛДЕГЕР БОЛДЫ

21.09.2022

ППУ жаратылыстану жоғары мектебінің "География және химия» білім беру бағдарламасының студенттері қалалық бағдарлау жарыстарына қатысты. Жаратылыстану ғылымдары жоғары мектебінің аға оқытушысы, география магистрі Мұрабек Омаровтың айтуынша, жарыс Ертіс жағалауындағы орман алқабында өткен. Байқау шарты бойынша қатысушылар компасты дұрыс пайдалана білу, картаны оқу және жер бедерін шарлау қабілеттерін көрсету қажет. Карта бойынша орманда жол табудан бөлек, қанша уақытта орындағаны да есепке алынады. Өйткені бақылау уақытында барлығына үлгеру қажет болды.

Жарыстың қорытындысы бойынша 18 жасқа дейінгі жігіттер арасында 2 курс студенті Ерасыл Жұмашев ІІІ орынға ие болды. 18 жасқа дейінгі қыздар арасындағы жарыста Қарақат Арыстанбек – III орын, Болатова Дильназ II орында!

«Мықты қарсыластар көп болса да, студенттеріміз лайықты нәтиже көрсетті. Осы жарыстардың нәтижесінде олар жер бетінде бағдарлауды, бақылау нүктелерін табуды үйренді!», – дейді Мұрабек Қапбасұлы.

Спортшыларды және олардың ұстаздарын спорттық жарыста жүлделі орындарға ие болуымен құттықтаймыз!