БІЗДІҢ СПОРТШЫ СТУДЕНТТЕР -РЕСПУБЛИКА ҮЗДІКТЕРІ!

26.04.2022

«Дене шынықтыру және спорт» білім беру бағдарламасының ұстаздары мен студенттерінен құралған команда XIV Республикалық пәндік олимпиадада I- орынды жеңіп алды.

21 сәуір мен 23 сәуір аралығында Қазақ спорт және туризм академиясында 6B01401 – «Дене шынықтыру мұғалімін даярлау» білім беру бағдарламасының тобы және «Дене шынықтыру теориясы мен әдістемесі» пәні бойынша XIV Республикалық пәндік олимпиада өтті.

Республикалық олимпиада оқушылардың оқу-танымдық және оқу-зерттеу қызметін ынталандыру, олардың кәсіби шеберлігін, шығармашылық қабілеттерін ашу, білім беру жүйесін жетілдіруге белсенді кәсіби көзқарасын қалыптастыру, дарынды студенттерді қолдау мақсатында өткізіледі.

Спорттық – интеллектуалдық сайыс үш кезеңнен тұрды: Ғылыми жоба, «Интеллектуалды» тур және «Қозғалыс құзыреттілігі» туры.

Қазақстанның 10 жоғары оқу орнының арасындағы тартысты сайыста біздің команда I- орынға, ал жекелей сында ФКС-34 тобының студенті Денис Котенев I-орынға ие болды.

«Дене шынықтыру және спорт» ББ оқытушылар құрамы мен студенттерін осындай беделді жарыста абсолютті жеңісімен құттықтаймыз. Сіздерге алдағы уақытта да табыстар мен жетістіктер тілейміз!