СПАРТАКИАДА: БАСКЕТБОЛ ЖАРЫСЫ АЯҚТАЛДЫ

04.04.2023

Ә.Марғұлан атындағы Павлодар педагогикалық университетінің студенттері мен магистранттары арасында спартакиада өтіп жатыр. Бүгінгі күнге дейін баскетбол жарыстары өз мәресіне жетіп, жеңімпаздары анықталды.

Өнер және спорт мектебі ақпаратына сәйкес баскетболадан өткен жарысқа өнер және спорт мектебінен,жаратылыстану ғылымдары жоғары мектебінен, гуманитарлық ғылымдар жоғары мектебінен 17 ұлдар, 7 қыздар командасы қатысқан. Жарыстар екі кезеңде өтті: іріктеу кезеңі және аралас жеребе жүйесі бойынша финалдық кезең.

Турнир қорытындысы бойынша, ұлдар командасы арасында спорт және өнер жоғары мектебінің ФКС-21 тобы жеңімпаз атанса, гуманитарлық ғылымдар жоғары мектебі 2 орын иеленді. 3 орынды спорт және өнер жоғары мектебінің ФКС-1 тобы еншіледі.

Ал қыздар командасы арасында 2 курс студенттері жеңіске жетті. 1 студенттері 2 орынды еншілесе, 3 курстардан құрылған команда үшінші орынды қанағат етті. Ойын соңында турнирде үздік ойын көрсеткен Егемберді Нұржан, Сайлау Мағжан, Темірғалиев Думан, Байкина Анастасия, Кауканова Камиля сынды спортшылар марапатталды.