SOFT SKILLS-МАНСАП ПЕН ӨМІР ҮШІН: МАРҒҰЛАН УНИВЕРСИТЕТІНДЕ ШЕБЕРЛІК-СЫНЫБЫ ӨТТІ.

04.12.2024

Марғұлан университетінде "Шамшырақ" көшбасшылар Академиясы аясында ұйымдастырылған «Өзіңізді дамытыңыз: Soft Skills-мансап пен өмір үшін» тақырыбында шеберлік-сынып өтті.

Шеберлік-сыныбына қатысушылар үшін тиімді қарым-қатынас орнату, топтық жұмыс, эмоционалды интеллект, шығармашылық және сыни ойлау сияқты дағдыларды дамытудың маңыздылығы айтылды. Бұл дағдылар кәсіби қызмет пен жеке өмірде шешуші рөл атқарады.

Спикерлер ретінде: практикалық психология орталығының директоры Ольга Колюх, педагогика Жоғары мектебінің тәрбие және әлеуметтік жұмыс жөніндегі вице-деканы Арай Рахымжанова, сондай-ақ университеттің баспасөз қызметінің басшысы Бәкіжан Кәкім сөз сөйледі.