СҮЙІКТІ ҰСТАЗДАРЫМЫЗДЫҢ ЖҰЛДЫЗДЫ СӘТІ!

05.10.2023

Педагогикалық жоғары мектептің студенттері сүйікті ұстаздарына қызықты әрі ерекше концерт ұйымдастырды. Мерекелік бағдарлама «Оскар» марапаттау рәсімі стилінде дайындалды.

Студенттер жоғары мектеп деканы мен оқытушыларды қызыл кілем үстінде қарсы алып, барлығы естелік суретке түсті. Көптеген папараццилердің астында қызыл кілеммен өткен оқытушыларды студенттер ду қол шапалақпен, гүлдермен және алғыс сөздерімен қарсы алды.

«Ең жас маман», «Кафедрадағы ең жауапты», «Жыл менеджері» және т.б. номинациялар бойынша оқытушылар мен қызметкерлерді марапаттау рәсімі қатысушылар үшін қуанышты тосын сый болды.

Өнерлі студенттер дайындаған мерекелік концерт кешті көркейте түсті. Әшір Мадияр, Қайырбекова Маржан, Қамаранова Қаршаға және Нағашыбай Ұлжай «Ұстазым», «Көңілді күн», «Тойла, сен» әндерін орындады. «Step Up» би тобы мұғалімдерге вальс пен интерактивті батл ұйымдастырды. Кеш мұғалімдерге арналған фуршетпен және бимен аяқталды.