ШЕТ ТІЛІ: ЕКІ ШЕТ ТІЛІ БІЛІМ БЕРУ БАҒДАРЛАМАСЫ «SUMMER LANGUAGE SCHOOL» ЖАЗҒЫ ТІЛ МЕКТЕБІН АШТЫ

21.06.2022

Павлодар педагогикалық университеті гуманитарлық жоғары мектебінің балаларға арналған «Summer Language School» жазғы тіл мектебі» жұмысын бастады.

Жазғы мектеп 13, 14, 15 жастағы балаларға арналған. Оған НЗМ, «Жас Дарын», №39, №16, М.Әлімбаев атындағы орта мектептерінің және дарынды балаларға арналған Абай атындағы гимназияның жоғары сынып оқушылары келді. Оқушылар жазғы мектепте грамматика мен лексиканы қызықты әрі интерактивті түрде оқиды, тілдің елдік аспектісімен танысады, ағылшын тілінде ойын ойнайды. Жазғы мектеп жұмысы 1 шілдеге дейін жалғасады. Екі апта ішінде сөйлеуге және тыңдауға баса назар аудара отырып, сөйлеу қызметінің барлық түрлерін жетілдіру және практика бойынша жұмыс істейтін болады.