ШЕТ ТІЛІ АПТАЛЫҒЫ АЯҚТАЛДЫ

21.10.2022

Павлодар педагогикалық университетінің гуманитарлық ғылымдар жоғары мектебі «Шет тілі: екі шет тілі» апталығын өткізді. Апталық аясында шет тілдеріне қатысты көптеген іс-шаралар, семинарлар, дөңгелек үстелдер, байқаулар ұйымдастырылды.

«Шет тілі: екі шет тілі» білім беру бағдарламасының жетекшісі Алия Садуованың сөзінше, апталық ағылшын, неміс, қытай тілдеріне арналған. Яғни, Қытай каллиграфиясы бойынша мастер-класс, «Германия менің жүрегімде» сурет көрмесі, тілдік емес мамандықтар студенттеріне арналған ағылшын тілі олимпиадасы, фильмді неміс тілінде көру және талқылау, 1-2 курс студенттеріне арналған "Spelling Bee" байқауы, бірінші курс студенттеріне арналған халықаралық кітап көрмесі секілді мәнді де мазмұнды шаралар болды.

Олимпиада қатысушылары үшін тыңдау, оқу және ағылшын лексикасы мен грамматикасын білуге арналған тапсырмалар болды. Студенттердің жұмысын тексеру қорытындысы бойынша, Айгүл Ержанова, Еркежан Бақытбекқызы, Әдемі Абдусейітова секілді студенттер жеңімпаз атанды. 1-2 курс студенттеріне арналған "Spelling Bee" байқауы өткізілді. Екі турдың қорытындысы бойынша, Алдияр Қалиев, Айдана Қапезова, Томирис Алпамыс, Дамир Жанатаев сынды студенттер жеңіске жетті.

Аптаның соңында «Шет тілі: екі шет тілі» апталығының жабылу рәсімі өтіп, бір апта бойы ұйымдастырылған іс-шаралар мен байқаулардың қорытындысы шығарылды. Қорытынды іс-шара барысында олимпиада және байқау жеңімпаздары марапатталды.