"СЕНІҢ СӘТІҢ" РЕСПУБЛИКАЛЫҚ СТУДЕНТТЕР ФОРУМЫ

07.03.2023

3-4 наурыз Халел Домұхамедов атындағы Атырау университетінде «Сенің сәтің» Республикалық студенттер форумы өтті. Форумға министр жанындағы Студенттер кеңесінің мүшелері, яғни әр өңірден жиналған 150 студент қатысты. Марғұлан университетінің атынан Студенттік парламент координаторы Жұматай Дариға Құралқызы және Жастар ісі жөніндегі комитет мүшесі Буркутбева Жанар қатысты.

Форумның мақсаты - еліміздегі жастардың ынтымағын арттырып, олардың бойында ұлттық құндылытар мен жаңаша ойлау дағдыларын қалыптастырып, университет жастары арасында достық қарым-қатынас орнату.

ҚР Ғылым және жоғары білім министрі Саясат Нұрбек және Студенттік омбудсмен Айсулу Алимжанқызы Ерниязова жастардың көшбасшылығы туралы ақпараттар беріп, студенттермен еркін форматта әңгімелесті.

Сондай-ақ, танымал саяхатшы, мотиватор, психолог, «Өмірге шексіз ғашық» кітабының авторы Динара Болат «Қоғамдағы қыздардың рөлі» атты тренинг өткізді.
Жиын барысында журналист, саясаттанушы, медиаменеджер, «Сөзің өтімді болсын» оқу бағдарламасының авторы Айкерім Есенәлі «Сөзің өтімді болсын» тақырыбында тренинг өткізді.

Форумға қатысуға мүмкіндік бергені үшін Басқарма төрағасы-ректор Жилбаев Жанбол Октябровичке және Жастар саясаты департаментіне алғысымызды білдіреміз.