ЖАС ҒАЛЫМДАРҒА АРНАЛҒАН ҒЫЛЫМИ-ӘДІСТЕМЕЛІК СЕМИНАР ӨТТІ

26.05.2022

Қазақстан Республикасы Білім және ғылым министрлігі жариялаған іргелі және қолданбалы ғылыми зерттеулерді гранттық қаржыландыру конкурсы аясында 2022 жылдың 26 мамырында университетте жас ғалымдармен ғылыми-әдістемелік семинар өтті. Ғылыми жұмыс және халықаралық байланыстар жөніндегі проректор Есенгелдин Бауыржан Сатыбалдыұлы жас ғалымдарды, докторанттарды байқау ережесімен таныстырды.

Семинар барысында ғылыми қамтамасыз ету әдістемесі, 2022-2024 жылдарға арналған «Жас Ғалым» жобасы аясында гранттық қаржыландыру конкурсына құжаттарды дайындау мәселелері талқыланды.

Ғылыми зерттеулерді қамтамасыз ету департаментінің директоры Байдалинова Бибінұр Асқарқызы, жас ғалымдарға ППУ стартап және бизнес жобаларына университет ішілік конкурс өткізу туралы ақпаратты ұсынды. Кездесуге қатысушылар өткізілетін конкурстар мен жобаларға қатысу үшін қажетті ақпаратты алды. Кездесу барысында жас ғалымдар жобаға қатысу және жүзеге асыру шарттары туралы сұрақтар қойып толыққанды жауап алды.