«САУАТТЫ ЖАРНАМА» АКЦИЯСЫНЫҢ ЖЕҢІМПАЗДАРЫ МАРАПАТТАЛДЫ

29.09.2022

Павлодар облысының мәдениет, тілдерді дамыту және архив ісі басқармасының ұйымдастыруымен өткен «Сауатты жарнама» акциясының жеңімпаздары марапатталды.

Аталған акция 2022 жылғы 1 қыркүйектен бастап 20 қыркүйекке дейінгі мерзімде өтті.

Акцияның мақсаты – қате жазылған мәтіндерді түзету, көрнекі ақпараттардың, жарнама мәтіндерінің қазақ тілінде сауатты жазылуын қамтамасыз ету және азаматтардың жарнама сауаттылығын қадағалауға белсендіктерін арттыру. Сондай-ақ, ҚР Тіл туралы заңының орындалуына атсалысып жүрген азаматтарға қолдау көрсету.

Акция нәтижесі бойынша, Павлодар педагогикалық университеті әкімшілік департаменті құжат айналымы және бақылау бөлімінің мемлекеттік тіл жөніндегі маманы Ерболат Ғалымжанұлы Асылбеков 2-орынға ие болғаны үшін дипломмен марапатталды.

Алдағы уақытта акция шеңберінде анықталған қателерді түзету бойынша тиісті жұмыстар жүргізілетін болады.

Ерболат Ғалымжанұлы акцияға түскі үзілісінің 20-минут уақытын ғана бөлгенін ескерсек, бұл өте жақсы нәтиже.

Бұл ретте Ерболат Ғалымжанұлының қойған мақсаты – марапат қағазы емес, тек қала ішіндегі жарнама мәтіндерінің мемлекеттік тілде сауатты жазылуына аз да болса үлесін қосу болатын.