«ШАМШЫРАҚ» КӨШБАСШЫЛАР АКАДЕМИЯСЫНЫҢ ЖҰМЫСЫ ҚОРЫТЫНДЫЛАНДЫ

17.05.2024

Бүгін Марғұлан университетінде «Шамшырақ» көшбасшылар академиясының бір жылдық жұмысы қорытындыланып, жобаға белсенді әрі тұрақты қатысқан жас көшбасшыларды марапаттау рәсімі өтті. Шараға жастар саясаты жөніндегі департамент директоры Мадина Құсманова қатысып, белсенділік танытқан барша студенттерге алғысын білдірді.

«Шамшырақ» көшбасшылар академиясының кураторы, жастар саясаты жөніндегі департаментінің маманы Дариға Жұматайдың айтуынша, жобаға қатысушылардан 150-ден астам өтінім қабылданған. Ал өткен жылдан бері 45 іс-шара ұйымдастырылды.

- Өткізілген шараладың 28-і «SOFT SKILLS» бағытында, 6-ы «HARD SKILLS» бағытында, 11 шара «TECHNICAL SKILLS» бағытында өтті. Жоба аясында университетте түрлі кездесулер, жастардың көшбасшылық қабілетін арттыратын воркшоптар, практикалық сабақтар сынды түрі шаралар ұйымдастырылды. Биыл Қаныш Сәтбаевтың 125 жылдық мерейтойына және Әлкей Марғұланның 120 жылдығына орай «Ұлылар жолы» атты тур жоспарланып отыр. Сіздерді де осы шараларға белсенді қатысуға шақырамын , - деді Дариға Жұматай.

Кездесу соңында жоба қатысушылары 2023-2024 оқу жылында «Шамшырақ» көшбасшылар академиясының модульдерінен өтіп, тәжірибелік сабақтарға белсенді қатысқаны үшін және табысты көшбасшылық құзіреттіліктің жоғары деңгейін көрсеткені үшін университет ректоры атынан арнайы Сертификат берілді.