САДАҚ АТУДАН ҚР ЧЕМПИОНЫ АТАНДЫ

23.02.2023

Марғұлан университетінің Өнер және спорт жоғары мектебінің ДШжС-22 тобының студенті Егор Поляков садақ атудан Шымкент қаласында өткен Қазақстан Республикасының чемпионатында 2 алтын медаль жеңіп алды.

Жабық ғимаратта садақ ату жарысы ересек спортшылар мен жастар арасында жеке және командалық есепте өткізілді. Спортшылардың арасында Олимпиада ойындарының қатысушылары, Азия және әлем чемпионаттарының жүлдегерлері болды.

Жарыс қорытындысы бойынша Егор ең көп ұпай жинап, олимпиадалық садақ ату мен компаундта жасөспірімдер арасында алтын медальдарға ие болды.

Спорттық жарысқа еліміздің 10-нан астам облысынан 270-ке жуық спортшы қатысты. Турнир осы спорт түрін кеңінен насихаттау және ұлттық құрамаға спортшыларды іріктеу мақсатында өткізіліп отыр.