С.ДЕМИРЕЛ УНИВЕРСИТЕТІМЕН ЫНТЫМАҚТАСТЫҚТЫ ДАМЫТАМЫЗ

27.12.2023

Гуманитарлық ғылымдар жоғары мектебінің «Шетел тілі: екі шет тілі» оқытушысы, ф.ғ.д., профессор Мергүл Құлахметова Алматы қаласындағы С.Демирел Университетінің «Тіл білімі» кафедрасымен тығыз ынтымақтастық орнатуға бастамашы болды.

Ішкі академиялық ұтқырлық аясында Мергүл Сәбитқызы күзгі семестрде магистранттарға «Trending Approaches in TEFL: CLIL and PBL» пәні бойынша дәрістер оқып, тәжірибелік сабақтар өткізді.

Профессор осы университеттің докторанттарының ғылыми диссертацияларын талқылауға, білімді рейтингтік бақылауға және емтихандарға қатысып, БББ басшылығымен, факультет деканымен жалпы мәселелерді талқылауға мүмкіндік алды.

«Басқа жоғары оқу орындарындағы әріптестермен ынтымақтастық пайдалы ғана емес, сонымен қатар оқу және ғылыми қызметті жүргізу саласындағы профессорлық-оқытушылық құрамды одан әрі дамыту және жетілдіру, білім беру бағдарламаларын табысты жүзеге асыруда тәжірибе алмасу үшін қажет», - деді Мергүл Сәбитқызы.

С.Демирел Университетінің студенттері мен магистранттары профессор Мергүл Құлахметоваға қызықты және мазмұнды дәрістер мен сабақ барысында алған тәжірибелік дағдылары үшін алғыстарын білдірді.