МАРҒҰЛАН УНИВЕРСИТЕТІНДЕ АРХЕОЛОГИЯЛЫҚ МАУСЫМ АШЫЛДЫ

13.05.2025

13 мамырда Марғұлан университетінде жаңа археологиялық маусым басталды. Университеттің студенттері мен ғалымдары Ертіс өзенінің аңғарындағы ежелгі қорымдарды зерттеумен, сондай-ақ Солтүстік және Шығыс Қазақстандағы қалашықтар мен мавзолейлердің қазба жұмыстарымен айналысады.

Университет ректоры Ержан Әмірбекұлы маусымның басталуымен барлығын құттықтап, былай деді: «Бұл археологиялық зерттеулердің жиырмасыншы маусымы. Оның академик Ә.Х. Марғұланның туған күнімен тұспа-тұс келуі де шарамызға ерекше мазмұн береді. Сіздер, жас зерттеушілер, оның ісін жалғастырып, еліміздің мәдени және тарихи мұрасын зерттеуге өз үлестеріңізді қосуға ерекше мүмкіндік аласыздар».

Ғалым-тарихшылармен қатар, экспедицияға жапсарлас пәндердің студенттері де қатысуда. Бұл оларға тарихқа жақындап, ғылыми ашылуларға қатысу мүмкіндігін береді.

Экспедиция қатысушыларына Жоғары гуманитарлық ғылымдар мектебінің деканы Анар Каримова, «Тарих» білім беру бағдарламасының жетекшісі Бауыржан Абдрахманов және археологиялық практика жетекшісі Асқар Абильдин құттықтау сөздерін арнады.

Іс-шараның соңында экспедиция қатысушылары алдыңғы маусымдардың белсенді қатысушыларынан зерттеу күнделік алды және Әлкей Марғұлан ескерткішіне гүл шоқтарын қойды.