Құрметті журналистер, бұқаралық ақпарат құралдарының қызметкерлері!

28.06.2021

Сіздерді кәсіби мерекелеріңіз – Қазақстан Республикасының Байланыс және ақпарат қызметкерлері күнімен шын жүректен құттықтаймыз! Журналист болу – құрметті де, аса жауапты іс. Бүгінгі күні еліміздің бұқаралық ақпарат құралдары азаматтық қоғамның құрамдас бөлшегі ретінде мемлекет пен бұқара, телеарна мен көрермен арасындағы дәнекер ғана емес, еліміздің толағай табыстары мен зор жетістіктерінің жаршысы болып келеді.
Өңірлік БАҚ құралдары мемлекетті дамыту бағдарламаларын табысты іске асыруға, қоғамдағы тұрақтылықты нығайтуға, елдің халықаралық беделін арттыруға қомақты үлес қосуда. Нақты адами ұстаным, болып жатқан жайтқа бей-жайлық танытпай, әр кез ақиқаттың түбіне жетуге ұмтылу – Сіздердің мамандықтарыңыздың ерекше қырын айқындайды. БАҚ өкілдерінің тәжірибесі мен біліктілігі, ісіне жауапкершілікпен қарауы алдағы уақытта да Қазақстан журналистикасын одан әрі нығайтуға қызмет ететініне сенімдімін.
Құрметті журналистер, қиындығы мен жауапкершілігі қатар жүретін істе ерен еңбектеріңіз мен жоғары кәсібилігіңіз үшін ризашылығымды білдіремін. Қазақстан Республикасы Тәуелсіздігінің 30 жылдығы қарсаңында Сіздерге педагогикалық мамандықтың мәртебесін, Павлодар педагогикалық университетінің имиджін көтеруге қосқан қомақты үлесіңіз үшін алғыс айтқым келеді. Бұдан былай да осы қоян-қолтық байланысымызды үзбей, әріптестігімізді жалғастыратынымызға сенімдімін.
Бүгінгі мерекелік күнде Сіздерге зор денсаулық, бақ-береке, Қазақстан халқының дамуы мен гүлденуі жолындағы қызметтеріңізге жарқын кәсіби табыс пен тың шығармашылық идеялар тілейміз!

Құрметпен,
Павлодар педагогикалық университетінің
Басқарма төрағасы – ректор
Жанбол Жилбаев

Павлодар педагогикалық университетінің Басқарма төрағасы - ректор Жанбол Жилбаевтың құттықтауын  облысымыздың ақпарат айнасы болған «Ертіс-Медиа» холдингіне қарасты «Сарыарқа самалы» мен «Звезда Прииртышья», «Pavlodarnews» және ата басылым «Егемен Қазақстан» газеттері мен «Ирбис», «Ертіс» телеарналары және «Халық радиосы» қызметкерлері алды. Алдағы уақытта шығармашылық жетістіктер мен толағай табыстар тіледі.