ҚҰРМЕТТІ ӘРІПТЕСТЕР!

19.03.2021

        Баршаңызды Ұлыстың Ұлы күні – Наурыз  мерекесімен шын жүректен құттықтаймын!

        Наурыз – жылдың басы, күн мен түннің теңеліп, жер ананың оянып, көктің көбейіп, ақтың молаятын мезгілі. Шығыс халықтары үшін береке мен бірліктің, татулық пен ізгіліктің тұғырын нығайтып, шаттық пен қуанышқа кенелтер ұлы мейрам. Әз-Наурыз дана халқымызда еңсесі биік елдіктің , іргесі сөгілмес бірліктің, ырыс пен ынтымақтың мерекесі саналады. Қазақстан халқы үшін Наурыз мейрамы – көктем мен жаңаруды айшықтайтын ұлы мереке. Отанымызға – тыныштық, халқымызға береке-бірлік, мемлекетімізге молшылық, ал әр шаңыраққа бақыт пен шаттық тілеймін. Ұлыс оң, ақ мол болсын!

                                                                         Құрметпен, Павлодар педагогикалық университетінің Басқарма төрағасы – ректоры Жанбол Жилбаев