РЕСПУБЛИКАЛЫҚ ТУРНИРДІҢ ЖҮЛДЕГЕРІ АТАНДЫ

15.09.2022

Павлодар педагогикалық университетінің студенті Алдияр Айтмұхамбетов Атырау қаласында өткен қазақ күресінен республикалық турнирдің күміс жүлдегері атанды.

Жақында Атырау қаласында Қазақстан Республикасының еңбек сіңірген жаттықтырушысы Сүлейменов Мәлік Екпіндіұлының жүлдесі үшін ерлер арасында қазақ күресінен IV республикалық турнир өтті. Дүбірлі додаға еліміздің әр түкпірінен іріктеліп алынған ең мықты палуандар келіп, белдесті. Павлодар облысының намысын біздің студентіміз қорғады. Жарысқа ППУ ФКС-31 студенті Алдияр Айтмухамбетов (Жаттықтырушы Темірболатов К. Б.) қатысып, күміс медальға ие болды.

Алдиярдың бұған дейін де бағындырған белестері мен жетістіктері мол. Мысалы белбеу күресі бойынша Қазақстан чемпионы және қазақ күресі бойынша облыс чемпионы атанған.

- Алдияр Айтмұхамбетов белбеу күресі бойынша республика бойынша іріктеу жарыстарынан өтіп, әлем чемпионатына жолдама алды. Әлі де талай жарыстарды бағындырады деген сенімдеміз, - дейді өнер және спорт жоғары мектебінің оқытушысы, жаттықтырушы Жанар Усина.