РЕСПУБЛИКАЛЫҚ ҚАЗАҚ ТІЛІ ОЛИМПИАДАСЫНЫҢ ЖЕҢІМПАЗЫ АТАНДЫ

29.04.2024

Академик Е.А.Бөкетов атындағы Қарағанды университетінде Қазақ тілінің практикалық курсы кафедрасының ұйымдастыруымен өзге ұлт өкілдері арасында “Қазақ тілі” пәні олимпиадасы өтті. Республикалық олимпиадаға еліміздің 12 университет студенттері қатысты. Марғұлан университетінің атынан барған студенттер жүлделі I орынды иеленді. Олимпиадаға жоғары оқу орындарында іріктелген, құрамы 3 студенттен тұратын топ (команда) қатысты. Ережеге сәйкес қатысушылар айтылым, тыңдалым, оқылым, жазылым дағдылары бойынша сынға түсті.

Марғұлан университетінен С.Усен, А.Абдимуталов және А.В. Наводная қатысып, екі кезең қорытындысы бойынша үздік деп танылды. Студенттеріміз “Мен таңдаған университет” байқауында университет туралы ауызша, ал тыңдалым мен айтылымда таңдаған мәтіндерін тыңдап, қысқаша мазмұндап берді. Ал жазылым кезеңінде 250 сөзден тұратын эссе жазып, біздің студенттер ең жоғары ұпай жинады. Олимпиада жетекшісі - PhD докторы Н.Х.Ахтаева. Студенттерді дайындауда үлкен үлес қосқан қазақ тілі мен әдебиеті БББ оқытушыларын және студенттерді жеңістерімен құттықтаймыз!!