РЕСПУБЛИКАЛЫҚ ОЛИМПИАДАДА БАҚ СЫНАСТЫ

09.03.2021

М.Қанапиянов атындағы ППУ жоғары колледжінің «Азар» командасы республикалық «Өзін-өзі тану» олимпиадасына қатысып, «Үздік білімі үшін» номинациясының иегері атанды.

2021 жылдың 22-26 ақпаны аралығында ТжКБ ұйымдарының студенттері арасында «Өзін-өзі тану» пәні бойынша Қазақстан Республикасы Білім және ғылым министрлігінің «Бөбек» ҰҒПОО ұйымдастырған республикалық олимпиадасы өтті. Олимпиадаға Қазақстанның барлық аймақтарынан 147 команда қатысты.

Олимпиада 3 кезеңнен тұрды. Бірінші кезеңде командалар жоба қызметі туралы дайындаған видеоесептемелерін ұсынды. Екінші кезеңде Zoom платформасында тест тапсырылды. Екі кезеңнің қорытындысы бойынша ең көп ұпай жинаған қатысушылар соңғы кезеңге жолдама алды. Олимпиаданың қорытынды III кезеңінде үздік деп танылған 25 команда интерактивті Google Jamboard платформасында «Әлемді өзгертуші идеялар» тақырыбында өз жобаларын қорғады. ППУ жоғары колледжінің құрамасы олимпиаданың әр кезеңінен сүрінбей өтіп, «Үздік білімі үшін» номинациясына ие болды. Топ жетекшісі: «Өзін-өзі тану» пәнінің оқытушысы Макратова Д.М.