РЕСПУБЛИКА ЧЕМПИОНАТЫНА ЖОЛДАМА АЛДЫ

16.01.2023

Марғұлан унивреситеті «Өнер және спорт» жоғары мектебінің студенттері «Қазақ күресінен» облыстық чемпионатқа қатысып, 2003-2005 жылғы туғандар арасында өтетін Қазақстан Республикасының чемпионатына жолдама алды. Жарыстар 14-15 қаңтар күндері Баянтау спорт сарайында өтті. Облыстық чемпионатқа біздің университеттен жалпы 100-ге жуық спортшы қатысқан.Олардың арасынан 8 спортшы жоғары деңгейде өнер көрсетіп, жеңімпаздар мен жүлдегер қатарынан көрінді. Ендеше, боз кілемде белдесіп, талай мықты қарсыластарын қапы қалдырған студенттермен таныс болыңыздар!

Айтмұхамбетов Алдияр 82 кг салмақ дәрежесінде, Мұратхан Дарима 57 келі салмақ дәрежесінде, Әдепбай Мөлдір 70 келі салмақта, Манап Әсел 65 келі салмақта белдесіп 1 орындарды жеңіп алды. Сонымен қатар, Жаңбырбаев Ислам 74 келі салмақ дәрежесінде, Сайлаубай Аяна 48 келі салмақта, Мәден Аружан +70 келі салмақ дәрежесінде күресіп, 2 орынды еншіледі. Ал Серікбай Аяулым 52 келі салмақ бойынша сынға түсіп, 3 орынды қанағат тұтты. Жеңімпаз болған спортшылардың жаттықтырушылары  - Қ.Б.Темірболатов және Ж.А.Усина.

Өнер және спорт жоғары мектебінің оқытушысы, қазақ күресі бойынша жаттықтырушы Қайрат Темірболатовтың айтуынша, 1 орын алған барлық палуандар ақпан айының басында Шымкент қаласында өтетін ҚР Чемпионатына қатысып, облыс намысын қорғайтын болады.