Ректор университеттің үздік қызметкерлеріне лайықты марапаттарын табыс етті!

30.12.2021

Жаңа жыл қарсаңында Павлодар педагогикалық университетінің ректоры Жанбол Жилбаев салтанатты мәжілісте үздік қызметкерлерге Қазақстан Республикасы Тәуелсіздігінің 30 жылдығына орай марапаттарды табыс етті.

Өзінің құттықтау сөзінде Жанбол Октябрьұлы әріптестерін келе жатқан Жаңа жылмен құттықтап, барлығына жемісті еңбектері үшін, күрделі пандемия жағдайында төзімділік пен шыдамдылық танытқандары үшін алғыс айтты.

Қазақстан Республикасы Президентінің 2021 жылғы 2 желтоқсандағы Жарлығымен Жаратылыстану ғылымдары жоғары мектебінің профессоры Валентина Нурмағамбетовна Алиясова мен Өнер және спорт жоғары мектебінің доценті ФаридаӘлмырзақызы Құрабаева "Қазақстан Республикасының Тәуелсіздігіне 30 жыл" мерекелік медалімен марапатталды.

Қазақстан Республикасының білім беру жүйесін дамытуға қосқан елеулі үлесі үшін Бисембаева Нағима Асанханқызы, Алпысов Ақан Қанапияұлы, Күлшарипова Зару Қасымқызы және Ғабдулхаева Бақытжамал Бағұстарқызы ҚР Білім және ғылым министрі А.Аймағамбетовтың алғыс хатымен марапатталды.

Көп жылғы адал еңбегі, өңірдің әлеуметтік-экономикалық дамуына қосқан елеулі үлесі, белсенді қоғамдық-саяси өмірі үшін Асылбаев Руслан Намысұлы Павлодар облысының әкімі Әбілқайыр Сқақовтың Құрмет грамотасымен марапатталды.

Қазақстан Республикасының білім беру жүйесін дамытуға қосқан елеулі үлесі үшін Сүлейменова Гүлмира Аманғалиқызы, Байтанаева Майра Аманғазықызы, Нұрғалиева Ақмарал Қажмұратқызы, Сыздықбекова Арнагүл Ерғалиқызы, Амангелдыева Дания Амангелдіқызы, Сүлейменова Үндемес Оразбайқызы, Күлбаева Бағлан Тасболатөызы, Амирғалиева Сандуғаш Кайкенқызы, Елеуов Арстан Какенұлы, Афанасьев Андрей Михайлович Павлодар педагогикалық университетінің басқарма төрағасы-ректорының алғыс хатымен марапатталды.

Павлодар педагогикалық университетінің қоғамдық өміріне белсенді қатысқаны және мемлекеттік жастар саясатын жүзеге асыруға қосқан елеулі үлесі үшін Қалдыбаева Маржан мен Алимов Никита марапатталды.