РЕКТОР УНИВЕРСИТЕТ АРДАГЕРЛЕРІН ҚҰТТЫҚТАДЫ

08.05.2022

Павлодар педагогикалық университетінің Басқарма төрағасы-Ректор Жанбол Жилбаев университет ардагерлерін 9 мамыр – Жеңіс күні мерекесімен құттықтады. Оқу орын басшысы алдымен Надия Ахметзиянованың шаңырағына барды. Ол 1937 жылы дүниеге келген. Осы оқу орын қабырғасында 1970-1996 жылдары аралығында жұмыс істеді. Одан кейін белгіл музыка зерттеушісі, орыс тілі және әдебиеті кафедрасының профессоры болған Нахман Шафердің шаңырағында болды. Ол университетте 1968 жылдын бастап, 45 жыл еңбек еткен. Сонымен қатар, философия, экономика және құқық кафедрасының профессоры болып сабақ берген Қабиден Зағупаровты құттықтады. Университеттегі еңбек өтілі - 39 жыл. Көп жылғы оқытушылық қызметі үшін «Еңбек ардагері» медалімен марапатталған.

- Құрметті, ардагерлер! Сіздерді алдымыздағы 9 мамыр – Жеңіс күні мерекесімен құттықтаймын. Сіздерге құрмет көрсету - біздің басты парызымыз. Қандай бір көмек қажет болса қолдан келгенше көмек көрсетуге дайынбыз.  Сіздердің отбасыларыңызға амандық, дендеріңізге саулық тілеймін, - деді Жанбол Октябрьұлы.

Барша ардагерлерді және облыс тұрғындарын 9 мамыр - Жеңіс күні мерекесімен құттықтаймыз. Еліміз аман, Отанымыз тыныш болсын!