РЕКТОР АРДАГЕРЛЕРДІ ЖАҢА ЖЫЛМЕН ҚҰТТЫҚТАДЫ

30.12.2022

Әлкей Марғұлан атындағы Павлодар педагогикалық университетінің басқарма төрағасы-ректор Жанбол Жилбаев университет ардагерлерін жаңа жыл мерекесімен құттықтап, сый-сияпат көрсетті.
Солардың бірі –Надия Хабибрахманқызы Ахметзянова. Ол 1937 жылы дүниеге келген. 1946 жылдан бастап Павлодарда тұрады. Ол жоғары оқу орнын тәмамдап, мұғалімдік мамандығын алғаннан кейін Павлодар педагогикалық инстутында ұзақ жыл жұмыс істеді. Атап айтқанда 1970-1996 жылға дейін орыс тілі кафедрасында оқытушы болып, құрметті еңбек демалысына шықты. Мерекемен құттықтай барған әріптестеріне университеттегі ұжыммен түскен суреттерін көрсетіп, естеліктерімен бөлісті.

Жанбол Жилбаев ардагерге бұрынғы ректор, профессор Тасболат Шаяхметовтың 85 жылдық мерейтойына арналған іс-шаралардың қалай ұйымдастырылып, өткізілгені туралы айтып берді. «Келесі жылы біз Павлодар педагогикалық институтының тұңғыш ректоры Анатолий Катерининнің 100 жылдығын атап өтуді жоспарлап отырмыз. Ол өмірінің 15 жылдан астамын институтқа арнады, оның материалдық-техникалық базасы мен ғылыми әлеуетін құруға көп күш жұмсады. Біздің парызымыз – оқу орнымыздың қалыптасуы мен дамуына зор үлес қосқан тұлғаларды еске алу», - деді Жанбол Октябрьұлы.

Ардагер Павлодар педагогикалық институтында еңбек еткен жылдары, педагогикалық институттың бірінші ректоры Анатолий Катеринина, филология факультетінің деканы Сталин Андреевна Кузьменко туралы жылы естеліктерімен бөлісті.
Надия Хабибрахманқызы ұзақ жылдар бойы университет қызметкерлерінің еңбек және тұрмыс жағдайын, денсаулығын жақсартуды қолға алған жергілікті комитеттің төрайымы қызметін атқарды. Ректор Жанбол Жылбаевпен бірге фотоальбомдарды парақтап отырып, Надия апай оқу орнының құрылуына мұрындық болған тұлғалар туралы жақсы естеліктерімен бөлісті.