БІЗ УНИВЕРСИТЕТ АРАЛЫҚ ӘРІПТЕСТІКТІ ДАМЫТУДАМЫЗ

01.04.2022

Бізге Семей қаласының Шәкәрім атындағы университетінің өкілдері келді.

Делегацияның жұмыс сапары барысында университеттің профессорлық-оқытушылық құрамымен және қызметкерлерімен кездесулер өтті.

Проректор О.Г.Андрющенко әріптестерін университеттің оқу қызметімен таныстырса, проректор Есенгелдин Б.С. ғылыми қызметтің негізгі бағыттарын айтып берді.

Декандар қонақтарға өздерінің жоғары мектептерінің презентациясын өткізіп, Шәкәрім университетіндегі әріптестерімен кеңейтілген серіктестік және ынтымақтастық туралы келісімдердің жүзеге асырылу барысымен таныстырды.

Әріптестеріміз «Педагогика және психология», «Тарих», «Музыка» білім беру бағдарламаларының жаңартылған мазмұнына, Психологиялық орталық пен Педагогикалық шеберлік орталығының қызметіне ерекше қызығушылық танытты.

Қонақтар университеттің материалдық-техникалық базасымен танысып, «Margulan Centre», Биоценология және экологиялық зерттеулер ғылыми орталығында, зертханаларда, компьютерлік сыныптарда, шығармашылық шеберханаларда, спорт залдары мен жүзу бассейнінде болды.

Кездесу барысында тараптар академиялық ұтқырлық аясында бірлескен жобаларды одан әрі жүзеге асыру, магистранттарды тағылымдамадан өту, тәжірибе алмасу және ғылыми-педагогикалық қызметте ынтымақтастық мәселелерін талқылады.