ҚҰМАР ОЙЫННЫҢ ҚАУПІ ТУРАЛЫ ДӘРІС

12.12.2023

Марғұлан Университетінде жастар арасындағы құмар ойындарға тәуелділік мәселесіне арналған дәріс өтті. Республикалық психикалық денсаулық ғылыми-практикалық орталығының психологы Гүлайым Бегімбаева құмар ойындарға тәуелділіктің қалыптасу механизмі, аурудың асқыну процесі мен алдын алу туралы айтып берді.

Гүлайым Бегімбаеваның айтуынша, құмар ойындарға тәуелділік – құмар ойындарға деген патологиялық бейімділік. Тәуелділікке, әлеуметтік, кәсіптік, материалдық және отбасылық құндылықтардың төмендеуіне әкеледі.

Ойыншы қоршаған факторлар мен өмірде болып жатқан оқиғаларға қарамастан тек қана ойын процесіне үнемі көңіл бөледі. Ойын автоматтары, казинолар, сондай-ақ букмекерлік кеңселер, соның ішінде онлайн, әрқашан еліктіретін көрінеді және өте әдемі жасалған. Бұл қысқа уақыт ішінде оңай ақша табу мүмкіндігінің және қайта ұтып алуға және көбірек ұтып алуға деген тұрақты ұмтылыстың әсерін күшейтеді.

Спикер студенттерді қаржылық сауаттылықты арттыруға шақырды. «Ешқашан букмекерлік кеңселердің айлаларына түспеңіздер. Жеңілдіктер, жарнамалық акциялар, құмар ойындарға арналған бонустар – бұл адамдардың көбірек ақшасын тартып алуға бағытталған маркетингтік айлалары», – дейді Шаймолдақызы.

Құмар ойындарға тәуелділік, кез келген басқа патологиялық тәуелділік сияқты, адамды бір қажеттіліктің құлы етеді. Ауруға шалдыққан адам үнемі ойнағысы келіп тұрады. Мұндай тәуелділіктен құтылу өте қиын, сондықтан құмар ойнаудың қажеті жоқ. Студенттер ойындарға көп көңіл бөліп, оны өмірдің мәніне айналдырмау керек екені, салауатты мотивация мен пайдалы іспен айналысып, білім алу керек деген қорытындыға келді.