ҚҰЖАТТАР 22 ШІЛДЕГЕ ДЕЙІН ҚАБЫЛДАНАДЫ

21.07.2022

Елімізде білім гранты конкурсына өтініш қабылдау мерзімі ұзартылды

Құрметті талапкерлер! Грант конкурсына құжаттарды қабылдау тағы екі күнге ұзартылды. Бұл туралы ҚР Ғылым және жоғары білім министрлігінің Ұлттық тестілеу орталығы хабарлады. Яғни, еліміздегі барлық жоғары оқу орындары талапкерлерді 22 шілдеге дейін қабылдайтын болады.
Бұл 20 шілдеге дейін құжат тапсырып үлгермей қалған талапкерлер үшін үлкен мүмкіндік. Осы мүмкіндікті жіберіп алмаңыздар!

Мемлекеттік білім грантын тағайындау конкурсына қатысу үшін талапкерлерге мынадай құжаттар қажет:

-жеке куәлік,

-ҰБТ сертификаты,

-орта білімі туралы аттестат (ТжКБ ұйымдарының түлектері үшін диплом),

-жеңілдетілген санат бойынша конкурсқа қатысу үшін растайтын құжаттар.

Сонымен қатар медициналық анықтаманы тамыз айында жоғарғы оқу орнына қабылдау кезінде тапсыру қажет.