ҚР ПРЕЗИДЕНТ ИНСТИТУТЫНЫҢ ДАМУЫНА АРНАЛҒАН ДӨҢГЕЛЕК ҮСТЕЛ

08.12.2023

Марғұлан Университеті гуманитарлық ғылымдар жоғары мектебінің «Тарих» білім беру бағдарламасының оқытушылары «Қазақстан Республикасы Президентінің институтының қалыптасуы мен тарихы» тақырыбында дөңгелек үстел өткізді. Іс-шараға БББ профессорлық-оқытушылық құрамы және осы мәселені зерттейтін тарих факультетінің студенттері қатысты.

Дөңгелек үстелді доцент, тарих ғылымдарының кандидаты, доцент Қанат Қанафин жүргізді. Талқылау аясында президенттік институтқа тарихи талдау жасалып, оған заманауи дискурс тұрғысынан баға берілді. Студенттер тақырыпты талқылауға белсенді қатысты. Олар әртүрлі саяси билік институттары мен режимдеріне салыстырмалы талдау жүргізді.

Еліміздің мысалында басқарудың командалық-әкімшілік түрінен демократиялық басқару түріне көшу тәжірибесі және бұл үдерістегі президенттің оң рөлі қарастырылды. Тәуелсіз Қазақстанның қалыптасуының алғашқы жылдарындағы президенттік институтқа объективті сипаттама беріліп, президенттің билік вертикалын нығайтудағы рөлі және оның еліміздегі тұрақтылыққа ықпалы атап өтілді. Биліктің транзиті және «суперпрезиденттік» республикадан либералды республикаға біртіндеп көшу кезеңі қарастырылды.

Отырысты қорытындылаған ғалымдар қазіргі жағдайда президенттік институттың еліміз үшін қажет екенін, қалыптасқан саяси дәстүрде бұл билік органы бүгінде мемлекетіміздің тұрақтылығы мен тәуелсіздігінің кепілі болып табылатынын атап өтті.