ҚАЗАҚСТАНДАҒЫ ДЕРЕКТАНУ НЕГІЗІН ҚАЛАУШЫНЫҢ МЕРЕЙТОЙЫ

13.04.2023

Әлкей Марғұлан атындағы Павлодар педагогикалық университеті Ғылым онкүндігі аясында «Тарих» білім беру бағдарламасы тарих ғылымдарының докторы, профессор Қамбарбек Атабаевтың мерейтойына арналған «Қазақстандағы деректану негізін қалаушы» тақырыбында дөңгелек үстел өткізді.

Аталмыш шараға «Тарих» білім беру бағдарламасының профессорлық-оқытушылар құрамы, магистрант, докторанттармен қатар «Павлодар облысы мемлекеттік мұрағатының» директоры орынбасары Н.А. Кубик, Г.Н. Потанин атындағы Павлодар облыстық тарихи-өлкетану музейінің бөлім басшысы Р.Т. Қалымқұлов, Торайғыров университеті «Қазақстан тарихы» кафедрасының аға оқытушысы А.А. Қасқабасовалар да қатысты.

Іс-шараның негізгі мақсаты т.ғ.д., профессор Қ.М. Атабаевтың өмірі мен ғылыми жолын жас ғалымдарға насихаттау. Дөңгелек үстел барысында ғалымның ұлттық деректануға қосқан үлесі, жалпы тарихшы үшін деректердің орны мен ролі туралы сөз қозғалды.