ҚАЗАҚ ТІЛІ МЕН ӘДЕБИЕТІ МҰҒАЛІМДЕРІНІҢ ФОРУМЫ

29.12.2022

Дарынды балаларға арналған Абай атындағы гимназияда Қазақ КСР-інің еңбек сіңірген мектеп мұғалімі Молдабекова Рәзия Асқарқызы атындағы қазақ тілі мен әдебиеті пәні мұғалімдерінің форумы өтті. Форум барысында «Мектепте поэзиялық шығармаларды оқыту мәселелері», «Зерттеуші мұғалімдердің ынтымақтастығы білім сапасын өзгертуге қалай әсер етті?», «Кітап оқудың жеті қадамы» деген секілді тақырыптар кеңінен талқыланды. Ұстаздардың форумына Әлкей Марғұлан атындағы Павлодар педагогикалық университетінің басқарма төрағасы-ректор Жанбол Жилбаев қатысып, мектеп ұжымы мен қатысушыларды құттықтады. Сонымен қатар, «Қазақ тілі мен әдебиеті»  білім беру бағдарламасының оқытушылары мен магистранттары қатысып, баяндама жасады.