«ҚАЗАҚ ТІЛІ» ОЛИМПИАДАСЫНАН ЕКІНШІ ОРЫНМЕН ОРАЛДЫ

28.04.2023

Ш.Уәлиханов атындағы Көкшетау университетінде өзге ұлт өкілдері арасында «Қазақ тілі» пәні бойынша республикалық пәндік олимпиадасы өтті. Білім сайысына біздің университеттің студенттерінен құрылған команда жүлделі екінші орынмен оралды.

Команда құрамында әртүрлі мамандықтар бойынша орыс топтарында білім алатын студенттер болды. Олар – биология мамандығы бойынша бірінші кур студенті Ли Максим Сергеевич, шет тілі мұғалімдерін дайындау бойынша бірінші курс студенті Рабе Карина Андреевна және орыс тілі мен әдебиеті бойынша екінші курс студенті Сейсекина Валерия Владимировна. Жетекшісі – PhD докторы Нағима Ахтаева.  

Олимпиада айтылым, тыңдалым, оқылым, жазылым дағдыларын қамтитын екі турдан тұрады. Айта кету керек, мұндай олимпиада ЖОО арасында бірінші рет ұйымдастырылып отыр. Жеңімпаздар мен жетекшісін шын жүректен құттықтаймыз!