ҚЫПШАҚТАНУ ТУРАЛЫ ЖАҢА КІТАП ЖАРЫҚ КӨРДІ

31.10.2023

Бүгін Қазақстан Республикасы ҰҒА академигі, тарих ғылымдарының докторы, профессор Болат Көмеков пен тарих ғылымдарының кандидаты, доцент Нұркен Күзембаевтың «Қыпшақтанушылардың биобиблиографиялық сөздігі» кітабының тұсаукесері өтті. Бұл басқосуда басылым туралы мәліметтер беріліп, қыпшақтану ғылымының тарих ғылымындағы даму кезеңдері қысқаша баяндалды.

Іс-шараға Е.Бекмаханов атындағы ғылыми кітапхананың директоры Роза Игібаева, «Ertis» мұражайының меңгерушісі Айзада Бектемісова, С.Торайғыров атындағы облыстық кітапхананың өлкетану-библиография және цифрлық технологиялар бөлімінің меңгерушісі Татьяна Мұратова, С.Торайғыров атындағы облыстық кітапхананың өлкетану библиография және цифрлық технологиялар бөлімінің библиографы Салтанат Жанғазинова қатысты. Кітаптарды автор осы мекемелердің кітапханаларына сыйға тартты.

Кітап авторлардың көп жылғы ғылыми еңбегінің жемісі. Нұркен Ерболұлы Күзембаев жұмысты жазуға көмектескен шетелдік ғылыми әріптестеріне ерекше алғысын білдірді. Бұл профессор Питер Голден (АҚШ), Ахмет Ташағыл (Түркия), Валери Стоянов (Болгария), Иштван Вашари және Иштван Зимони (Венгрия).

«Қыпшақ ғалымдарының сөздігінің әлемдік тарих ғылымында теңдесі жоқ. Онда қыпшақтану ғылымының үш ғасырлық даму жолында қыпшақ мәселелерімен айналысқан барлық қыпшақ ғалымдары туралы деректер бар», – дейді Нұркен Ерболұлы.

Іс-шара соңында жүргізушілер 27 қазанда Тарих апталығы аясында өткен квест ойынының нәтижелерімен таныстырды. Квест ойынына белсенді қатысқаны үшін МТ-11 және ИШ-12 топтары марапатталды, МТ-23 тобы 3-дәрежелі дипломмен, МТ-21 тобы 2-дәрежелі дипломмен, ИШ-22 және МТ-13 топтары 1 дәрежелі дипломдар марапатталды.

Тарих апталығын өткізуге белсене қатысқаны және көмектескені үшін Тарих білім беру бағдарламасының 2 курс студенттері алғыс хаттармен марапатталды.