ППУ ӨКІЛДЕРІ МЕКТЕП ТҮЛЕКТЕРІН ҚҰТТЫҚТАДЫ

26.05.2022

Бүгін Қазақстанның барлық мектептерінде түлектер үшін соңғы қоңырау соғылды. Сабақтар аяқталды, бірақ алда ҰБТ, содан кейін таңдаған оқу орнына қабылдау.

Жыл сайынғы дәстүр бойынша жоғары мектептердің декандары мен университеттің профессорлық-оқытушылар құрамы Павлодар қаласы, Ақсу қаласы және облыс орталықтарының мектептерін аралады.

Кәсіптік бағдар беру орталығының басшысы Гүлнар Мұсанованың айтуынша, түлектер үшін осындай ерекше және қызықты күні университет өкілдерінің назарынан тыс қалмады. Өйткені, дәл осы сәттен бастап олардың өмірінде жаңа кезең басталады. «Осынау қуанышты күні мектеп түлектері мен ұзақ жылдар бойы оқушылармен білім бөлісіп, оларға жан жылуын сыйлаған ұстаздарды құттықтадық. Дәл осы салтанатты күні ППУ педагогикалық олимпиадасының жеңімпаздарына гранттар мен университетте оқуға жеңілдіктер сертификаттарын табыс еттік», - деді Гүлнар Қабдылманатқызы.

Өкілдер түлектерді құттықтап, өмір жолында сәттілік тіледі.

Университет оқытушылары талапкерлерді асыға күтетіндерін атап өтті. Бүгінгі таңда университетте ең көп сұранысқа ие педагогикалық мамандықтарды заманауи қолайлы жағдайларда алуға болады. Соңғы жылдары тек материалдық-техникалық база ғана емес, болашақ мұғалімдерді даярлау тұжырымдамасының өзі де жаңарып келеді.

Барлық түлектерімізді мектеп бітірулерімен құттықтап, мемлекеттік емтихандарды сәтті тапсырып, ҰБТ-да сәттілік тілейміз! Сәт сапар, 2022 жылғы түлек!